MRADI WA MAJI SAFI MAKANGARAWE NI TATIZO KWA WANANCHI

Tatizo la Maji safi Mtaa wa Makangarawe, katika Kata ya Makangarawe Wilaya ya Temeke jiji Dar es salaam umezidi kuwa ni shida kwa wananchi, jambo ambalo linapelekea wananchi wengi kutumia visima vya watu binafsi ambavyo usalama wa maji si mzuri kiafya .

Akizungumza kwenye mkutano wa wananchi mwenyekiti wa sasa Ndugu Juma Mohamed Kibanda juu ya tatizo la mradi huo kufika huko alisema”hii inatokana na usimamizi mbovu wa uongozi uliopita madarakani ,uongozi kukosa uwazi na uwajibikaji jambo ambalo limepelekea mradi huu wa maji safi na salama kufa na wananchi wetu kuangaika”

Baadhi ya mfumo wa mabomba ya maji yamepasuka kusabisha maji mengi kuvuja na kusambaa maeneo mbalimbali ya mtaa, na kusababisha uchafuzi wa mazingira katika maeneo hayo ambapo ni hatari kwa afya ya jamii iliyo zunguka maeneo hayo.

Uongozi utambue wananchi wako katika mazingira hatarishi ya kiafya na hata upatikanaji wa maji safi na salama hivyo iwe ni changamoto kwao ili kutafuta ufumbuzi wa tija kuondoa tabu hiyo.

Na; Joseph malisa 

TASAF MTAA WA MAKANGARAWE TEMEKE WAZUA MASWALI MENGI

TASAF MTAA WA MAKANGARAWE TEMEKE WAZUA MASWALI MENGI

Mpango wa serikali wa kunusuru kaya maskini awamu ya tatu (TASAF) ukiwa katika utekelezaji wake wa kuhakikisha wanawafikia walengwa wa mradi huo ambao kaya maskini umepelekea kuwemo kwa maswali mengi ya msingi  kutoka kwa baadhi ya wananchi walio hudhuria kikao hicho mtaa Makangarawe,Kata ya Makangarawe, Wilaya Temeke Dar es salaam.

Akizungumza katika mkutano   mwenyekiti wa mtaa Juma Mohamed Kibanda alisema"Mpango huu wa TASAF ni mpango wa kunusuru kaya maskini ambao kwa sasa umetufika wanamakangarawe hivyo tushirikiane katika kufikia lengo na kuwafikia walengwa"aliendelea kusema "Mpango huu ni wamendeleo hasa katika kaya maskini ". Akizungumza  mwezeshaji wa TASAF ambae alielezea malengo na faida za mpango huo wa TASAF. Jambo ambalo lilizua maswali mengi na hoja za msingi kutoka kwa wanajamii wa Makangarawe  ili kujilidhisha kama mpango huo ni waukweli au ni jambo la kisiasa ambalo linaleta mkanganyiko kutokana na ukaribu wa uchaguzi jambo ambalo lishawahi kujitokeza mwaka 2005 .

Kufatiwa mkutano huo mwenyekiti Juma Kibanda aliwasihi hasa vijana wajitambue na waitambue serikali yao hasa katika maswala ya kimaendeleo na kuleta mabadiliko katika mtaa wao.